പ്രിയങ്കാ ഗാന്ധിക്ക് പിന്നാലെ റോബര്‍ട്ട് വദ്രയും?മൊറാദാബാദില്‍ മത്സരിക്കണമെന്ന് ആവശ്യം,പോസ്റ്ററുകള്‍

ലഖ്നൗ: രാഷ്ട്രീയപ്രവേശനത്തിന് ഒരുങ്ങുന്നുവെന്ന സൂചന നൽകിയതിന് പിന്നാലെ റോബർട്ട് വദ്ര തിരഞ്ഞെടുപ്പിൽ മത്സരിക്കണമെന്ന് ആവശ്യപ്പെട്ട് പോസ്റ്ററുകൾ. ലോക്സഭ തിരഞ്ഞെടുപ്പിൽ റോബർട്ട് വദ്ര മൊറാദാബാദിൽനിന്ന് മത്സരിക്കണമെന്ന് ആവശ്യപ്പെട്ടാണ് മണ്ഡലത്തിൽ നിറയെ പോസ്റ്ററുകൾ പ്രത്യക്ഷപ്പെട്ടത്. റോബർട്ട് വദ്രയ്ക്ക് മൊറാദാബാദിലേക്ക് സ്വാഗതം എന്നെഴുതിയ പോസ്റ്ററുകൾ കോൺഗ്രസ് പ്രവർത്തകരാണ് മണ്ഡലത്തിലുടനീളം സ്ഥാപിച്ചിരിക്കുന്നത്. അതേസമയം വദ്രയ്ക്ക് സ്വാഗതമോതിയുള്ള പോസ്റ്ററുകളെ സംബന്ധിച്ച് കോൺഗ്രസ് നേതാക്കളാരും പ്രതികരിച്ചിട്ടില്ല. കഴിഞ്ഞദിവസത്തെ ഫെയ്സ്ബുക്ക് പോസ്റ്റിലൂടെയാണ് രാഷ്ട്രീയപ്രവേശനത്തിന് ഒരുങ്ങുന്നതായി റോബർട്ട് വദ്ര സൂചന നൽകിയത്. ഈ വർഷങ്ങളിലെ അനുഭവങ്ങളും പാഠങ്ങളും വെറുതെ കളയാനാവില്ല, കൂടുതൽ നല്ലതിനായി ഉപയോഗിക്കേണ്ടതുണ്ട്... ഈ കുറ്റപ്പെടുത്തലുകളും ആരോപണങ്ങളും ഒരിക്കൽ അവസാനിക്കുമ്പോൾ, ജനങ്ങളെ സേവിക്കുന്നതിൽ ഞാനും പ്രധാനപ്പെട്ടൊരു പങ്ക് വഹിക്കേണ്ടതുണ്ടെന്നാണ് എനിക്ക് തോന്നുന്നത് -എന്നായിരുന്നു റോബർട്ട് വദ്രയുടെ ഫെയ്സ്ബുക്ക് പോസ്റ്റ്. പ്രിയങ്ക ഗാന്ധി കിഴക്കൻ യു.പി.യുടെ സംഘടനാച്ചുമതല ഏറ്റെടുത്തതിന് പിന്നാലെയാണ് റോബർട്ട് വദ്രയും രാഷ്ട്രീയപ്രവേശനത്തിന് ഒരുങ്ങുന്നതെന്നതും ശ്രദ്ധേയമാണ്. Content Highlights:posters welcoming robert vadra to to contest loksabha election from moradabad

from mathrubhumi.latestnews.rssfeed https://ift.tt/2INZ3L5
via IFTTT