കള്ളവോട്ട് പാരമ്പര്യം കേരളത്തില്‍ നേരത്തെയുണ്ട്; ഒരു കള്ളവോട്ട് ആണെങ്കിലും തെറ്റ് തന്നെ-മീണ

തിരുവനന്തപുരം: കള്ളവോട്ട് ഒന്ന് മാത്രം ആണെങ്കിലും അത് തെറ്റ് തന്നെയാണെന്ന് മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ. രണ്ട് കള്ളവോട്ട് ചെയ്താലെ റീപോളിങ് നടത്താവൂ എന്നതല്ല. കേരളത്തിൽ കള്ളവോട്ട് ആദ്യമായിട്ടല്ല. നേരത്തെതന്നെ കള്ളവോട്ടിന്റെ പാരമ്പര്യമുണ്ട്. ഇത്തവണ ഞങ്ങൾക്കത് പിടികൂടാനായെന്നും മീണ പറഞ്ഞു. വോട്ടെണ്ണൽ ക്രമീകരണത്തെ സംബന്ധിച്ച് മാതൃഭൂമി ന്യൂസുമായി സംസാരിക്കുകയായിരുന്നു അദ്ദേഹം. ഒരു കള്ളവോട്ട് നടന്നതിന്റെ പേരിൽ റീപോളിങ് നടത്തുന്നത് തെറ്റായ കീഴ് വഴക്കം സൃഷ്ടിക്കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞിരുന്നു. പോസ്റ്റൽ വോട്ട് സംബന്ധിച്ച എല്ലാ ആരോപണങ്ങളും ക്രമക്കേടുകളുമടക്കം എല്ലാ സത്യങ്ങളും പുറത്ത് വരുമെന്നാണ് വിശ്വാസമെന്നും ടിക്കാറാം മീണ പറഞ്ഞു. 23-ന് രാവിലെ എട്ട് മണി മുതൽ വോട്ടെണ്ണൽ കേന്ദ്രങ്ങൾ തുറക്കും. 8.30 ഓടെ പോസ്റ്റൽ വോട്ടുകൾ എണ്ണും അതിന് ശേഷം വോട്ടിങ് യന്ത്രങ്ങളിലെ വോട്ടുകളും എണ്ണും ഉച്ചയ്ക്ക് ഒരു മണിയോടെ വോട്ടിങ് മെഷീനിലെ വോട്ടുകൾ എണ്ണി തീരും. അതേ സമയം വിവിപാറ്റുകളിലെ വോട്ടുകൾ എണ്ണി തീരണമെങ്കിൽ നാലഞ്ച് മണിക്കൂറുകളെടുക്കുമെന്നും അദ്ദേഹം പറഞ്ഞു. Content Highlights:bogus voting-teekaram meena-counting arrangement

from mathrubhumi.latestnews.rssfeed http://bit.ly/2QdyqyZ
via IFTTT